Riksantikvaren skriv på sine nettsider at ferjene representerer ein viktig del av vår transport- og skipshistorie. Frå før er berre seks båtar i Noreg freda.
Tre foreslått verna
Dei tre ferjene som vil bli foreslått verna av Riksantikvaren, er:
- M/F "Bilfergen" i Møre og Romsdal
- M/S "Granvin" i Hordaland
- M/F "Folgefonn i Hordaland
Desse er, ifølgje Riksantikvaren, eit representativt utval frå den norske ferjehistoria.
Fleire fartøy kjem etter kvart
Og det er ikkje berre ferjer som skal fredast.
På oppdrag frå Miljøverndepartementet har Riksantikvaren utarbeidd ein ny, nasjonal verneplan for fartøy.
Utvalet skal representere eit tverrsnitt av norsk fartøyhistorie, og Riksantikvaren kjem til å gå igjennom passasjerbåtar, fiske-/fangstbåtar, fraktebåtar og lystbåtar i åra framover, for å vurdere freding.
Spesialfartøy som slepebåtar og losbåtar vil også bli vurderte, skriv Riksantikvaren i ei pressemelding.