NRK Meny

Fem tenåringar i Molde dømde for vald

Fire gutar og ei jente i tenåra er dømde til fengsel etter å ha banka opp ein 15-åring i fjor haust. Alle involverte har gått på same ungdomsskule.

Norges lover

Fem tenåringar er dømde til fengsel på vilkår for å ha banka ein jamaldring.

Foto: Wenche Lamo Hadland / NRK
Roger Oldeide
Journalist

Artikkelen er mer enn to år gammel.

Tre av dei fem ungdomane var berre 15 år då dei banka opp kameraten sin i Molde sentrum. Ein 14-åring som også var med, er ikkje tiltalt på grunn av den låge alderen sin.

No er ungdomane dømde til mellom 18 og 60 dagars fengsel på vilkår. I dommen frå Romsdal tingrett heiter det at dei også må betale guten 20 000 kroner i oppreising.

Skulle få tobakk

Det var i november i fjor at den då 15 år gamle guten vart banka opp av dei fem jamgamle ungdomane.

Dei fem dømde, fire gutar og ei jente, vart provosert over at guten ikkje møtte dei til avtalt tid med tobakk, slik han hadde lovd.

Dei ringde opp guten og trua med å knuse vindauga heime hos han, om han ikkje dukka opp. Det var jenta i gruppa som fekk overtalt guten til å kome å møte dei.

Då guten til slutt kom, vart han jaga gjennom Molde sentrum. Guten vart innhenta ved hurtigbåtkaia der han vart både sparka av fleire. Seinare blei han også slått, og tatt strupetak på, medan dei pressa han opp mot ein vegg og slo av lyset.

Uprovosert vald

Ein av dei er også dømd for å ha forsøkt å true guten til å droppe politisaka.

Alle dei involverte er busette i Molde og har gått på same ungdomsskule.

Tingretten meiner det er spesielt alvorleg at valden skjedde uprovosert og at det skjedde i fellesskap.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.