NRK Meny
Normal

Feira seriegullet med brus og bingo

Ikkje alle kunne vere vaken for å feire Molde sitt seriegull i natt. Dei tok feringa på dagtid.

Gullfeiring ved Tøndergård skole

Trond Are Semundseth Bruseth, Odd Einar Gustavsen Staurset, Steffen Vegsund Lunheim, Joar Talset Røvik, Sander Haugenes Måseide, Robin Sætervik Julnes og Fredrik Kulkova Bakke skålte i gullbrus under feiringa på Tøndergård skole og ressurssenter.

Foto: Birthe Bringsvor / NRK

Håkon Solli Brogstad

Håkon Solli Brogstad

Foto: Birthe Bringsvor / NRK
Emil Tidemann Greff

Emil Tidemann Greff

Foto: Birthe Bringsvor / NRK

Det blei ein skuledag utanom det vanlege på Tøndergård skole og ressurssenter i Molde. Tavla var pynta, kaka stod på bordet og alle fekk kvar si gullbrus frå den lokale brusprodusenten.

Jublar

Temaet rundt bordet var sjølvsagt at laget i deira hjerte har teke seriegull. Emil Tidemann Greff, Magnus Jenset, Joar Talset Rørvik, Odd Einar Gustavsen og Håkon Solli Brogstad kunne alle juble over at favorittlaget deira etter 100 år har klart å vinne serien.


Høyr kva dei hadde å seie i radiosaka:



Feira med bingo


På dagsenteret på Kirkebakken omsorgssenter kopla 90 år gamle Åse Nilsen av med bingo dagen derpå. Ho er MFK-tilhengjar på sin hals:

– Eg ser fram til dagane det er fotballkamp. Eg har vore på alle kampane og hadde sesongkort i fjor, seier Nilsen som gleder seg over sigeren.

Artikkelen held fram under bilete

Åse Nilsen

Åse Nilsen jublar for seriegull til Molde. – Det er storarta. Eg fekk det ikkje med meg i går fordi eg måtte legge meg tidleg, seier ho.

Foto: Birthe Bringsvor / NRK

Høyrde fyrverkeriet

Tore Jan Sæther

Tore Jan Sæther feira gullet på Kirkebakken omsorgssenter.

Foto: Birthe Bringsvor / NRK

Tore Sæter vart halden oppe av dei mange supporterane som hylla fotballheltane i gatene i Molde i går kveld.

– Eg høyrte smella frå fyrverkeriet, fortel Sæter som synes seriegullet er stort.

– Molde har fått sølv monge gonger, so no var det artig at dei tok gull. Særleg sidan det er 100-års jublileum for klubben, seier han.

Kirkebakken omsorgssenter

Stor stemning på Kirkebakken omsorgssenter

Foto: Birthe Bringsvor / NRK