Feira seriegullet med brus og bingo

Det blei ein skuledag utanom det vanlege på Tøndergård skole og ressurssenter i Molde. Tavla var pynta, kaka stod på bordet og alle fekk kvar si gullbrus frå den lokale brusprodusenten.

Jublar

Temaet rundt bordet var sjølvsagt at laget i deira hjerte har teke seriegull.Gutta kunne alle juble over at favorittlaget deira etter 100 år har klart å vinne serien.

Høyr kva dei hadde å seie i radiosaka:

Feira med bingo

På dagsenteret på Kirkebakken omsorgssenter kopla 90 år gamle Åse Nilsen av med bingo dagen derpå. Ho er MFK-tilhengjar på sin hals:

– Eg ser fram til dagane det er fotballkamp. Eg har vore på alle kampane og hadde sesongkort i fjor, seier Nilsen som gleder seg over sigeren.

Artikkelen held fram under bilete

Høyrde fyrverkeriet

Tore Sæter vart halden oppe av dei mange supporterane som hylla fotballheltane i gatene i Molde i går kveld.

– Eg høyrte smella frå fyrverkeriet, fortel Sæter som synes seriegullet er stort.

– Molde har fått sølv monge gonger, so no var det artig at dei tok gull. Særleg sidan det er 100-års jublileum for klubben, seier han.

NRK gjer merksam på at denne saka har blitt endra i ettertid.