Ein mann i 40-åra er tiltalt for mordbrann etter at han skal ha tent på sitt eige hus slik at det begynte å brenne i april 2014. Huset brende ned til grunnen, og heile familien på fire fekk berga seg ut i tide.
Men ifølgje tiltalen låg altså guten på fire år og sov i underetasjen av huset, og guten kunne lett ha omkome dersom brannen ikkje blei oppdaga.
Mannen er også tiltalt for å ha slått og sparka sambuaren sin. Han skal ha slått henne i ansiktet, sparka henne i beina og trykt ansiktet mot bakken, slik at ho blei blodig og forslått.
Alvorleg skadd etter brannen
Brannvesenet dreiv ettersløkking i lang tid etter brannen i Fræna.
Foto: Hans Thomas EikremMannen i 40-åra blei sjølv alvorleg skadd i brannen, og det gjekk lang tid før politiet kunne avhøyre han. Dei tre andre i huset kom fysisk uskadde frå hendinga.
Politiet fekk først melding om vald i huset, og kort tid etter blei det meldt om brann i området. Huset brende etter kort tid ned til grunnen, og fleire nabohus måtte evakuerast på grunn av faren for spreiing.
Les også:
Promille på nytt
I tillegg til mordbrann og vald, er mannen mellom anna også tiltalt for to tilfelle av ruskøyring. Første gongen skal ha skjedd i forkant av brannen, i april i fjor. Deretter blei han igjen pågripen i Fræna eitt år seinare, også då med spor etter alkohol og hasj i blodet.
Saka mot han kjem opp rett over nyttår.
