Fare for flaum måndag

Det er sendt ut oransje farevarsel for flaum i elvar og bekker i fjellområde i indre strøk av Møre og Romsdal, frå Sunndal i nord til Stranda i sør. Også større elvar som Rauma og Driva kan bli ramma. Faren gjeld frå måndag morgon til tysdag morgon, og kan føre til omfattande overfløyming, erosjon og flaumskadar på utsette stader. Det kan også føre til stengde vegar og bruer. På Varsom.no rår dei folk til å sikre verdiar, og rense stikkrenner og vassvegar.