Det var natt til søndag at ein mann tok seg inn i ein båt på Tørla i Ålesund, truleg for å stele båten.
Der vart han fanga på film av eit kamera med sensor som var installert i båten.
– Bilete er noko utydeleg så vi ønsker tips frå publikum dersom nokon skulle kjenne han att, seier Borge Amdam, operasjonsleiar ved Sunnmøre politidistrikt.
– Dersom nokon dreg kjensle på kleda eller personen oppmodar vi dei til å tipse oss, held han fram.
- Les også:
– Kontroller båtane
Båten låg ved Kjerringsundet småbåthamn, men ifølgje Amdam var det ikkje gjort skade på båten.
Operasjonsleiaren ber båteigarar i nærleiken om å kontrollere båtane sine søndag.
– Det er lite truleg at han gav seg med det eine forsøket, seier han.
- Les også:
Fleire båttjuveri
Den har vore ein rekke båttjuveri på Sunnmøre den siste tida, og Amdam ber båteigarane om å sikre båtane sine så godt som råd.
– Vi veit at det ikkje er like lett å sikre alle båtane, men småbåthamnene er ofte isolerte og båtane blir ståande lenge utan tilsyn, så vi oppmodar båteigarane om å sikre verdiane sine i den grad dei kan, seier han.
Tips til politiet kan ringast inn på telefonnummer 02800.
- Les også: