Ei jente blei undersøkt ved valdtektsmottaket i Molde natt til søndag. Ein gut blei samtidig avhøyrt. Begge er i tenåra, og politiet har gjort tekniske undersøkingar og vitneavhøyr i natt.
– Han er sikta for valdtekt, stadfestar politiadvokat Inger Ferstad ved Møre og Romsdal politidistrikt.
Ho seier dei to har vore i lag på ein fest i forkant av den påståtte valdtekten, og at det var vitne som kontakta politiet.
– Dei avhøyrer både fornærma og sikta søndag. Begge er under 18 år, seier operasjonsleiar Jan Helge Kjøl ved Møre og Romsdal politidistrikt søndag morgon.
Han seier dei er i startfasen på etterforskinga og at dei som skal leie politiarbeidet no er i gang med å setje seg inn i saka. Valdtektenskal ha skjedd på Aukra laurdag kveld.
– Dei er heilt i startfasen. Vi kan ikkje seie meir no, seier han.
Øyvind Panzer Iversen er advokat for guten. Han vil ikkje gå i detalj om kva den sikta har sagt til han av hensyn til etterforskinga, men guten meiner sjølv at han er uskuldig.
– Han vedgår ikkje straffskuld i saka, fortel Panzer Iversen til NRK.
Jenta har fått Reidar Mogstad som bistandsadvokat.
