Erik Kursetgjerde overlevde massakren, men slit med inntrykka frå det som skjedde på Utøya. Han møtte i retten med ei von om at det skulle bli lettare å kome vidare i livet etter dette.
– Det var fælt men bra samtidig. I byrjinga var det ei veldig kald stemning. Då han kom inn i salen blei det meir sjokkerande, eigentleg. At ein velkledd vestkantgut kunne gjere noko slikt, sjokkerte meg, seier Kursetgjerde.
- Les også:
– Han var nervøs
Det var første gang gjerningsmannen møtte i ein open rett. For første gong etter 22. juli kunne presse, folk som var direkte råka og andre sjå og høyre gjerningsmannen.
– I byrjinga var han klart nervøs. Han viste at han har eit stort behov for å markere seg, kor stor han er og kva rang han har i ei fiksjonell gruppe, seier Kursetgjerde.
- Les også:
- Les også:
- Les også:
– Veksla blikk ein gong
I løpet av fengslingsmøtet veksla Erik Kursetgjerde og Anders Behring Breivik blikk ein gong. Kursetgjerde opplevde blikket frå gjerningsmannen som kaldt og kjenslelaust.
– Han er veldig pompøs og ein veldig kald person. Eg veksla blikk med han ein gong i rettssalen. Eg følte at eg i hans auge ikkje betyr nokon ting, eg er ikkje noko individ ein gong, eg er ikkje ein person ein gong, eg er kanskje ein parasitt om eg er heldig.
– Korleis framsto han i retten?
– Han virka eigentleg ganske pinglete. Det er jo ei feig handling han har gjort, så det heng jo saman. Nervøsiteten og måten han framtrer på viser at han har eit dårleg sjølvbilde.
- Les også:
- Les også:
- Les også:
– Kjenner meg litt tryggare
Erik Kursetgjerde kjem til å følgje rettssaka når ho startar. Han meiner dette er rett for sin eigen del. Men han har stor forståing for at ikkje alle pårørande og ungdommar som var på Utøya vil gjere det same.
– Eg kjem til å følgje rettssaka vidare. Men det er veldig opp til kvar einskild kva dei vil gjere. Nokre greier dette, andre greier det ikkje i det heile teke.
– Du seier du gjer dette for å føle deg tryggare. Fungerer det på denne måten?
– Eg sit kanskje igjen med ei kjensle av litt større tryggleik. Eg har sett han site med handjern på. Han er omringa av politimenn. Og han blir stilt for retten. Då kan på ein måte roa senke seg. Kanskje eg søv litt betre i natt, seier Erik Kursetgjerde.