Ekstra ferje Halsa-Kanestraum

Statens vegvesen og Fjord1 har inngått avtale om å setje inn ei ekstra ferje på strekninga Halsa-Kanestraum på dagar med stor trafikk. Den fjerde ferja har plass til 35 personbilar og skal gå på torsdagar, fredagar og søndagar frå og med 19.september. Første avgang blir frå Halsa klokka 12.10 og siste frå Kanestraum klokka 19.40 på dei aktuelle dagane. Løysinga med fire ferjer skal vare fram til kai-arbeidet har kome så langt at større ferjer kjem inn i sambandet igjen, truleg i midten av oktober.