Eit containerskip skal ha mista styringa og gått på grunne i fjøresteinane ved Laupsneset i Vartdalsfjorden ved femtida i ettermiddag, det melde Sunnmørsposten.
– Vi fekk melding om at skipet hadde styringsproblem, og har køyrd på grunne, seier Erik Williassen i Hovudredningssentralen Sør.
Litt etter klokka åtte vart skipet taua vekk av slepebåten Polar Rex.
– Dei måtte vente på tauinga til det vart flo sjø, seier Tor Andre Gram Franck, i politiet.
Skipet fekk minimalt med skadar då den trefte land onsdag ettermiddag.
– Det skal ikkje vere nokon personskadar i samband med hendinga. Det har kommen noko skader på skipet, men skipet tek ikkje inn vatn, seier han.
Skipet heiter Concordia, og skal vere eit lasteskip frå Liberia. Skipet vart liggande i tre timar, før dei fekk slept det vekk med slepebåt.
Hovudredningssentralen seier dei hadde kontroll på situasjonen, og at det var lite dramatikk i forbindelse med grunnstøytinga.
Hovudredningssentralen kunne foreløpig ikkje seie noko om årsaka til ulykka, og politiet opplyser at dei vil starte etterforsking for å undersøke kva som har skjedd.