Dersom dette var ein mårhund, ville det truleg vere ein av dei første gangane dyret var observert i Møre og. Arten blei første gang observert i Noreg i Kirkenes i 1983. Og dyret høyrer ikkje heime i norsk natur, og naturforvaltarane arbeider for å halde dyret vekke.
- Les også:
– Dette er mår
No har Statens Naturoppsyn studert bileta av dyret. Og dei slår fast at det slett ikkje er snakk om mårhund likevel.
– Nei, dette er ikkje nokon mårhund. Dette er rett og slett ein mår, seier Lars Olav Lund i Statens Naturoppsyn.
- Les også:
- Les også:
Ville jakte
Det var Tormod Thomsen som fanga den sjeldne gjesten på viltkameraet sitt. Både han og fleire jegerkollegaer studerte bileta. På Bjørke, der dyret blei observert, byrja folk å planlegge jakt.
– Vi kan tenkje oss å organisere jakt på dyret. Dersom dette er mårhund må dyret fjernast, sa jegerleiar Jan Arne Bjørke til NRK.
- Les også:
– Ser til og med strupeflekken
Bileta avslører imidlertid at det denne gongen berre var snakk om ein mår.
– Vi har studert fleire bilete av dyret. Det er totalinntrykket som gjer at vi er sikre på at det er ein mår. Dei parvise spora i snøen tyder på mår, kroppsfasongen byggjer opp om det same. På nokre bilete kan vi også sjå strupeflekken som er karakteristisk for mår, seier Lund.
- Les også:
Etter at NRK skreiv om «mårhunden på Bjørke» sist veke, har vi blitt kontakta av fleire som var skeptiske til denne historia. Ein av dei er Lars Gjersdal i Dalsfjorden. Han er fangstmann, og har jakta på mår og rev i mange år. Han stussa då han høyrte om dyret.
– Eg er 110 prosent sikker på at det ikkje er mårhund. Då må den gå over Strynefjellet eller symje, seier Gjersdal.
Lang vandring for mårhunden
Mårhunden kjem opphavleg frå det austlege Asia, men er blitt importert til Aust-Sibir. Tidleg i førre århundre spreidde han seg til det vestlege Russland og Ukraina. Seinare har arten spreidd seg til store deler av Europa.
– Vi vonar framleis folk vil halde eit auge med om vi får inn denne arten. Vi ønskjer ikkje å ha han i naturen vår. Vi vil gjerne ha meldingar. Blir det stadfesta at det verkeleg er mårhund, vil det bli sett i gang jakt., seier Olav Lund til NRK.