Her skal det omstridde bustadprosjektet Grand Fiære, med fleire hundre leilegheiter i blokker byggast - dels ute i sjøen.
Les også:
Historisk grunn
I åtte dagar har dei dykka på rundt 15 meters djup i sjøen utanfor Grandfjæra. Snart blir det fylt ut 50 meter utover og ein ny bydel vil dukke opp i Molde - prosjektet Grand Fiære.
Før utbygginga av den nye bydelen kan starte, må sjøbotnen undersøkast for å sjå at det ikkje kjem i konflikt med kulturminne.
Det skal bygges på historisk grunn.
– Dette er kanskje staden der Molde vart til, fortel forskar David Berg Tuddenham frå NTNU Vitenskapsmuseet.
Sjå intervju med forskar David Berg Tuddenham her.
Flintstein
Forskaren fortel om haugar av flintstein dei har funne - ballastmasse som kanskje stammar frå hollandske sip som henta tømmer der.
– På slutten av 1500-talet kom dei første tømmerhandlarane inn til Molde fjære, og det er den delen vi undersøker no.
Bygginga i Grand Fiære skal starte i løpet av 2013 - men før utbyggarane kan gå vidare må dei ha klarsignalet frå arkeologane.
– Eg trur ikkje det ligg skip i området, det trur eg vi har avklart. Men vi er rimeleg trygg på at vi har fått eit representativt utval av det som ligg der, seier forskar David Berg Tuddenham til NRK.
Grand Fiære - fleire av bustadene blir på fylling ut i sjøen.
Foto: Illustrasjon: Korn Reklamebyrå
