Drøymer om Tour de France

Som ungdom var han fotballspelar i Hødd, som dei fleste andre i venneflokken, men på eit tidspunkt vart fotballen ikkje spennande nok og sykkelen vart hans beste venn.

Støttespelar

Han beste støttespelar er pappa Astor Notøy, som er alt muleg mann og manager for Martin. Astor sjølv reknar med at han får vere med på laget 2-3 år til.

- Målet til Martin må vere å kome på eit kontinentallag på sikt, og verte proff. Då er det ikkje rom for meg lenger, seier han.

Martin har tidlegare sykla for Nesset, men representerer no Trondheim (T.V.K). Men han gløymer ikkje heimklubben Ulstein, som i helga arrangerte Ulsteinrittet med 170 deltakarar.

Martin vann rittet ifjor, men tapte på målstreken denne gongen for spanjoen, Xabier Zabalo, som representerer Ålesund.

- Det var surt å tape, men det var fire mot ein ettersom fire syklistar frå Ålesund samarbeidde for å tøme meg for krefter fram mot innspurten. Dette viser at sykling også er ein lagidrett sjølv om det berre er ein av dei fire som står att som vinnar etterpå.

Tour de France ?

- Målet mitt er å sykle dei store ritta. Kanskje Tour de France, men det finst mange andre store ritt også. Det er mykje som må klaffe om ein skal få sjansen til noko slikt i framtida, seier han.

Martin Notøy Nevstad reknar seg ikkje som proff, sjølv om han trenar mykje.

- Nei, proff er eg ikkje. Eg arbeider ved sida av, men det meste av tida går med til trening og jobb vedgår han.

Utover i sesongen vert det nok av ritt å delta i for unge Notøy Nevstad.

- Norgescupritt og NM vert det viktigasten framover, seier han.

Neste Norgescup er i Trondheim komande helg, 24-25.mai. NM i år er på Eidsvold, den 22-29.juni.