Når slaktarbilen køyrer inn på Skulegarden i Eidsdal er det sein haust. Jula nærmar seg. Det som i vår var søte små lam har feita seg opp gjennom sommaren. No er dei sanka saman, dei er gjort reine og er kortklipte i ulla.
– Det er greitt seier yngstemann på garden, Lars Iver Rønneberg. Når desse reiser til slaktaren får vi nye. Og dei nye lamma blir nok like snille som desse, seier han.
- Lesd også:
- Les også:
– Sommaren var god
Bonde Frode Rønneberg gjev lamma ein siste godbit før dei skal jagast om bord i slaktarbilen. Fleire av sauene er blitt ganske tamme gjennom sommaren. No sender han 41 lam til slaktaren. Dette blir prima vare for den som skal ha seg pinnekjøt til jul.
– Det ser ut som om lamma har hatt ein svært god sommar i fjella. Dei er friske og raske alle saman. Dei har god kjøttfylde. Det er eit godt utgangspunkt for å lage pinnekjøt og fenalår av topp kvalitet, seier slakterikontrollør Tore Rusten.
Før lamma hamnar på slaktebenken er profesjonelle saueklipparar frå Australia frampå med sauesaksa. Kvart einaste lam skal vere perfekt klipt før det må bøte med livet.
- Les også:
- Les også:
– God kvalitet
Så er det gjort. Dei livlege krabatane er gjort om til hengande slakt, klar for partering og finskjæring. Noko går som pinnekjøt, noko blir fenalår. Litt hamnar kanskje på brødskiva som fårepølse.
– Desse har veldig bra kvalitet. Det er berre å sjå her, seier klassifisør Amund Lien og viser fram dei kraftige kurvene slaktet har kring hoftene.
- Les også:
- Les også:
– Dei kunne godt få vere på garden litt til
Pinnekjøt og fenalår blir hengt opp på store stativ i tørkeriet. Sjølv om han er van til at lamma kvart år må reise til slakteriet, saknar han dei nok litt.
– Dei kunne nok ha vore her på garden litt til, seier Lars Iver Rønneberg. Ute på bøen går sauene som unngjekk slaktaren denne gongen. Dei skal vere med å syte for nye generasjonar med kvalitetslam, og vere med og sikre julefeiringa di på sin måte.