For aller første gong er Aalesunds FK med i europacupen, og rundt klokka 13.30 fredag er det klart kven laget skal møte.
Ingen favorittmotstandar
Aalesund-trenar Kjetil Rekdal har ingen favorittmotstandar, men han er tydeleg på kva for lag han helst vil unngå.
- Ukjente lag fra Øst-Europa er verste sort. Ein veit ingenting om dei, men dei er ofte veldig gode, seier Rekdal.
Nokon spesiell draumemotstandar har han derimot ikkje.
- Det beste ville vere ein motstandar som ein har sjanse til å slå, men som samstundes er såpass kjent at me trekkjer full stadion.
- Skal forsvare norsk ære
Uansett motstandar har Rekdal ambisjonar for AaFK si aller første deltaking i europacupen.
- Når ein deltar i noko, prøver ein å kome lengst mogleg. Det er jo naturleg. Men me får sjå det litt an. Dersom me møter noko me kan slå, kjem me til å kjempe hardt. Dersom motstandaren er veldig sterk, må me vel håpe på eit mirakel.
Kjetil Rekdal er klar til kamp.
- Me gir oss ikkje utan sverdslag. Me skal forsvare den norske æra, og uansett kven me møter har me ikkje tapt på førehand, seier AaFK-trenaren.