Aure kommune har skaffa sommarjobb til alle interesserte ungdommar mellom 16 og 20.
- Det er kjekt å arbeide, og om sommaren har me ikkje så mykje anna å drive med uansett, seier Asbjørg Bakk Schanke (16).
Maler og klipper gras
- Dei får oppdrag som maling og grasklipping, og dei kan jobbe maks 60 timar gjennom Sommerbua, fortel Anne Therese Skåden.
Den populære formidlingsordninga har eksistert i åtte år.
- Alle her i Aure kjenner godt til Sommerbua, seier Skåden.
Skal bere posten
Maren Ormset er ei av dei som har fått jobb gjennom denne formidlinga.
Ho skal bere posten i tre veker.
- Eg har vener som har jobba gjennom Sommerbua før. Eg kan jo ikkje berre få mamma og pappa til å støtte meg heile vegen, så det vert fint å tene eigne pengar, seier Ormset.