Ulukka skjedde laurdag like etter klokka 8.00. Ein bil hamna utfor vegen og trefte ein stor stein. Bilen tok til å brenne og to unge menn miste livet.
– Politiet har sikra tekniske prov og har drive taktisk etterforsking. Vi har mellom anna avhøyrt fleire vitne, seier leiar ved operasjonssentralen ved Sunnmøre politidistrikt, Ole Bjørn Harang til NRK.
- Les også:
Det er Gades Institutt i Bergen som skal stå for identifiseringa av dei to omkomne. Lokalt i Hareid er namna til dei to omkomne kjende. Politiet held imidlertid fast på at det er behov for ei sikker identifisering.
– Vi forheld oss til at dei to formelt ikkje er identifiserte enno. Vi skal skaffe fram sikre svar, både når det gjeld identitet og når det gjeld kva som har skjedd, seier Harang.
- Les også:
På Hareid blei det tidleg kjent at det var to unge menn frå lokalmiljøet som hadde mista livet. Kyrkja blei halden open, slik at både familie og andre kunne bruke kyrkja som ein stad for å uttrykke sorga og å få trøyst.
Hareid kyrkje var open laurdag. Der kunne folk kome i sorga og få trøyst etter det som hadde hendt.
