Dei nynorske festspela

Bjørn Eidsvåg til Festspela 2023

Laurdag 10. juni 2023 kjem Bjørn Eidsvåg til Ørsta for å spele under Dei Nynorske Festspela.

– Det gler oss stort at det endeleg klaffa å få Bjørn Eidsvåg til Uteamfiet i Aasentunet, seier formidlingsleiar i Nynorsk kultursentrum, Tone Slenes.

Bjørn Eidsvåg albumdebuterte i 1976 og fekk sitt første gjennombrot i 1983 med plata Passe gal.

Bjørn Eidsvåg har mange utmerkingar, og har mellom anna fått fleire Spelemannsprisar. I 1997 blei han kåra til Årets Spellemann, og i 2006 fekk han Spellemannsprisens heiderspris.

Kari Stai blir festspeldiktar i 2023

– Eg vart nokså overrumpla og mållaus da eg vart spurt om å vere festspeldiktar. For ei ære, seier forfattar, illustratør og biletkunstnar Kari Stai. No gler ho seg til å treffe publikum på Festspela i Aasentunet neste år. Festspela er under planlegging. – I 2023 kan vi feire 100 år med nynorske biletbøker. Kari Stai er ein viktig fornyar av denne tradisjonen, seier arenaleiar Olav Øyehaug Opsvik.

Aina Basso blir festspeldiktar

Aina Basso blir neste års festspeldiktar. Under avslutninga av årets festspel i Aasentunet kunne arenaleiar Olav Øyehaug Opsvik melde at forfattar og historikar Aina Basso frå Giske vert festspeldiktar i 2022. – Eg kjenner ei nær tilknyting til både Aasentunet og Festspela, seier ho.

Sender nynorske festspel frå Oslo

Neste helg sender Dei nynorske festspela direkte frå eit studio i Oslo. Publikum kan få oppleve Odd Nordstoga og Stein Versto, og forfattar Edvard Hoem og dotter hans, artist Ine Hoem rett heim i stova. – Det er spennande og kjekt å skape festspel på ein ny måte. Med gode folk både lokalt og i hovudstaden gler vi oss til å nå publikum i heile landet, seier dagleg leiar i Aasen-tunet, Tone Slenes i ein pressemelding.

Ny festspeldiktar

Forfattaren Carl Frode Tiller vert festspeldiktar under Dei nynorske festspela i Ørsta 13.-16. juni neste år. Tiller skal delta på fleire arrangement under Festspela, og forfattarskapen kjem til å prege programmet, heiter det i ei pressemelding frå Festspela. Tiller blir omtalt som ei av dei sterkaste stemmene i norsk litteratur.