Variasjonen mellom butikkane er stor, seier Maiken Pollestad Sele i interesseorganisasjonen Oikos - Økologisk Norge.
Etterspurnaden etter økologiske daglegvarer er aukande, men utgjer framleis ein liten del av den totale omsetninga. Ifølgje Sele må butikkane bli flinkare på marknadsføring.
- Varene må jo marknadførast. Dei må visast godt i butikkane, Ø-merket må visast fram og det må satsast på kunnskap, seier Sele. Både dei som jobbar i butikkane og forbrukarane må få kjennskap til dei positive verknadane av økologisk mat.
Vekt på kunnskap
Hypermarknadsjef ved Coop Obs Ålesund, Ronny Valde, seier at dei legg stor vekt på akkurat kunnskap.
- Vi har økologiske varer i vår kundeavis der vi viser kva vi har av økologiske varer innanfor dei forskjellige kategoriane, samt at vi føyer til litt som kan gi kunnskap om kva økologiske varer inneber.
Sjølv om etterspurnaden er svak i høve til andre varer har markandssjefen tru på aukande etterspurnad. Han trur det ligg eit potensiale i økologiske varer og at etterspurnaden vil auke dei neste åra.
Denne veka vart Coop Obs kåra til den beste økobutikken i Ålesund av interesseorganisasjonen Oikos.