– Det var bra stemning, mykje liv, musikk og dans, seier Lars Standal Sørnes som er russepresident på Fagerlia vidaregåande skole.
– Det var jubel frå dei som stod og såg på, legg han til.
LES OGSÅ:
LES OGSÅ:
Har prega russeferinga
Etter at tre pingvinungar og eit pingvinegg forsvann frå Atlanterhavsparken i Ålesund vart russetida til Ålesundsrussen noko annleis enn venta. Fleire russ var inne til avhøyr, og fire vart sikta for å ha sett dyr i ein hjelpelaus tilstand.
– Dei siste dagane har kanskje prega oss mest. Me har vore usikre med tanke på toget, då det har vore ytringar om at me burde droppe toget og passe oss, seier Standal Sørnes.
– Det har vore ein brems for oss, og ein del har vore litt redde og nervøse for å gå i toget. Stemninga på sjølve feiringa har også gått litt ned, og det har ikkje vore like mykje festing, seier han.
LES OGSÅ:
LES OGSÅ:
Prøvde å halde stemninga oppe
Russepresident Standal Sørnes seier det var ein del russ som valde å ikkje gå i russetoget, og han opplevde også at det var variert respons frå tilskodarane.
– For det meste var det positiv respons, med applaus og jubel. Det var nokon stader det var litt rolegare, men elles var det veldig bra, seier russepresidenten.
– Korleis merka de at det var litt negativt somme stader?
– Når me gjekk forbi og prøvde å halde stemninga oppe, så stod folk på sida heilt stille og såg ikkje så mykje på russen, seier Standal Sørnes.
Russepresident Standal Sørnes lovar å følgje saka med dei forsvunne pingvinungane vidare, og seier dei vil halde fram samarbeidet med politiet.
LES OGSÅ:
LES OGSÅ: