Cup-stemning frå Oslo sentrum
Våre fotballekspertar Arne Flatin og Rune Hustad opnar radiosendinga frå sentrum i Oslo laurdag etter nyheitene på P1 klokka 12.
Arne Flatin tek plass i AaFK-leiren i Spikersuppa. Rune Hustad slår lag med MFK som har hovedkvarter på Youngstorget.
Direkte rapportering
Sendinga får med seg stemninga i veksling mellom dei to leirane. Programleiarane møter sentrale personar i dei to laga og plukkar opp stemningsrapportar frå dei mange som vil være nær favorittane sine.
Du kan vere sikker på å høyre AaFK-trenar Kjetil Rekdal, Molde-direktør Tarje Nordstrand Jacobsen, NRK sportens Knut Nesbø, fylkesmann Lodve Solholm og mange mange fleire.
Nettreporter på plass
Terje Reite og Åge Andre Breivik er på plass frå morgon til kveld i Oslo sentrum laurdag og søndag.
Dei rapporterer direkte på med bilde, intervju og stemningsrapportar. Saras Telt i Spikersuppa og Youngstorget er standplassane laurdag, og Ullevaal stadion søndag.
Målet er å skildre stemninga både før og etter den store finalen søndag.
Seiersfesten på TV
NRK er tilstade med fjernsynskamera alle stader både laurdag og søndag. Resultatet får vi først og fremst i reportasjar i nyheitssendingane desse to dagane.
Søndag er vi med på sigersfesten anten i Ålesund eller i Molde i opptak og direkte. På måndag får vi med oss reportasjar frå det som skjedde i helga og stemninga i byane etter finalen.
