Byggestart i november 2019
Sykehusbygg legg opp til at bygginga av sjukehuset på Hjelset skal ta til i november 2019. Dette inneber om lag eitt års forseinka byggestart i forhold til den opprinnelege planen. Fram til november i år arbeider Sykehusbygg med å utarbeide konkurransegrunnlaget. I februar 2019 blir entreprenøren mest sannsynleg vald. Deretter blir det ein samhandlingsfase der den endelege utforminga av sjukehuset skal gå føre seg. Prosjektdirektør Helle Jensen og leiar i prosjektstyret Olaf Melbø (bildet) orienterte styret i Helse Møre og Romsdal om prosjektet i dag.
