Bustadbrann på Sjøholt

Hopp til innhold

Bustadbrann på Sjøholt

18. februar 2018 kl. 12:05
Taket på huset i ferd med å svikte

Røykdykkere har trekt seg ut av bustaden og arbeider no med utvendig sløkking, melder 110-sentralen. Taket på huset er i ferd med å svikte. Bustaden er totalskadd i brannen på Sjøholt. Politiet melder at vinden no har dreidd på staden og røyken bles vekk frå bustadfeltet i nærleiken.
Bustadbrann på Sjøholt

18. februar 2018 kl. 11:05
Arbeider for å få sløkt brannen

Brannvesenet er no inne igjenmed røykdykkarar på loftet i huset. Det er eit kryploft, svært varmt og ikkje ein heilt enkel operasjon, seier Nils Bjerknes, operasjonsleiar ved 110-sentralen. Han nemner også at dei framleis blir ringt opp av folk som køyrer forbi Sjøholt med varsel om brann, men brannvesenet har kontroll på staden.
Bustadbrann på Sjøholt

18. februar 2018 kl. 10:48
Ber folk lukke vindauge

Det er framleis røykutvikling på staden der ein bustad byrja å brenne på Sjøholt i dag tidleg. Politiet melder no at røyken siver ned mot eit bustadfelt i nærleiken og nedover mot sentrum og anbefaler difor folk om å lukke vindauge.
Bustadbrann på Sjøholt

18. februar 2018 kl. 09:38
Ingen personar i huset

Det skal ikkje vere personar inne i huset som framleis brenn på Sjøholt, melder både politiet og 110-sentralen på Twitter. Personane som bur i huset er gjort greie for og skal ikkje vere inne i bustaden. Sløkkingsarbeidet held fram.
Bustadbrann på Sjøholt

18. februar 2018 kl. 09:27
Røykdykkerar arbeider på staden

Brannvesenet hadde røykdykkarar inne i bustaden, både på loftet og i hovudetasjen, men har no valt å trekke seg ut på grunn av sterk varme. Dei arbeider med å sløkke brannen frå utsida no. Det er framleis uklart om det er personar inne i huset, melder 110-sentralen til NRK.