Fire til sjukehus etter brann

Fire personar er frakta til sjukehus etter ein brann i eit leilegheitsbygg på Nordlandet i Kristiansund.

Brann i Kristiansund. STK

Sjå videoen: Det var i 18.00-tida torsdag at brannvesenet fekk melding om ein bustadbrann på Nordlandet i Kristiansund.

Brann Kristiansund 170316

Alle naudetatane rykka ut til staden.

Foto: Roar Halten / NRK

Like før klokka 19.00 bekreftar politiet at fire personar er frakta til sjukehuset i Kristiansund etter brannen.

– Det er så langt uklart kor alvorleg skadd desse er, seier Styrkar Gagnat, operasjonsleiar i politiet.

Uklart skadeomfang

Brannvesenet har søkt gjennom huset og det skal ikkje vere nokon andre inne i huset.

Brann Kristiansund 170316

Huset har tydelege røykskadar etter brannen.

Foto: Roar Halten / NRK

– Leilegheitene er brannskadd, men vi har enno ikkje oversikt over kor store desse skadane er, seier Gagnat.

Det er truleg snakk om store materielle skadar i dei fire leilegheitene. Brannårsaka er så langt ukjent, men saka vil bli etterforska av politiet.

– Vi vil gjennomføre undersøkingar på brannstaden fredag, seier Gagnat.

Brannvesenet skal i løpet av kvelden undersøke skadane og prøve å berge ut dei gjenstandane i bustaden som kan reddast.

Minst fire leilegheiter

Det var i 18.00-tida torsdag kveld at brannvesenet fekk melding om ein bustadbrann på Nordlandet i Kristiansund.

Brannvesenet, politi og ambulanse rykka raskt ut til staden. Klokka 18.40 kunne 110-sentralen i Møre og Romsdal melde at brannen var sløkt.

– Det skal vere snakk om ein bustad med minst fire leilegheiter. Huset var overtent då brannvesenet kom fram til staden, seier Rian Morrison operasjonsleiar ved 110-sentralen i Møre og Romsdal til NRK klokka 18.20.

Brann i Kristiansund

Det var i 18.00-tida torsdag at brannvesenet fekk melding om ein bustadbrann på Nordlandet i Kristiansund.

Foto: Roar Halten / NRK
Laster kart, vennligst vent...

NRK anbefaler

Siste video/lyd

For ti dager siden havnet Fares Khader under vann. Og ble liggende på syv meters dyp. Lenge. I dag er han sjeleglad for å være i live.
Synnøve Følsvik Lyshol og Bengt Ronny Lyshol er på ferie i Nice. Synnøve stod like ved den hvite bilen, da hun hørte ropene. Da startet marerittet.
Det er mykje ulovleg bruk av teiner og garn.
På Nordmøre er fleire teiner og anna fangstredskap dratt inn etter ein storaksjon dei siste dagane.