Brøytinga har nådd toppen
Mannskapet som brøytar Trollstigen har no kome opp til det høgste punktet på vegen. Brøytinga tok til på Isterdalssida og brøytemannskapet har byrja på strekninga nedover mot Valldalen.
Det er framleis uvisst når vegen kjem til å opne. Vanlegvis opnar vegen mot slutten av mai. Det er framleis snø og is i fjellsidene som må rase ned før det blir trygt å ferdast i området, melder vegvesenet.
