Tysdag starta rettssaka der ein 24-åring er sikta for å ha valdteke og drepe Anja Weløy Aarseth på byfjellet Aksla i Ålesund. Mange har lagt blomster og lys ved benken der ho vart funnen.
Brannvesenet i Ålesund forstår at det er viktig å minnast den 21 år gamle studenten, men ber folk om å ikkje bruke eld. Brannfaren er svært stor, og berre sidan nyttår har det vore over 40 gras, lyng og skogbrannar i Møre og Romsdal.
– Det er ikkje kjekt, men vi har vore nøydde til å blåse ut fleire gravlys på Aksla, fortel Sindre Furnes ved 110-sentralen.
Dei held eit auge med staden kvar einaste dag, fordi dei er redde for at terrenget skal ta fyr, dersom lyktene veltar i vinden.
Furnes oppmodar folk om å bruke elektriske telys i staden for eld.
