NRK Meny

Sveising kan vere brannårsak på gassanlegg

650 arbeidarar vart evakuert då det starta det å brenne på gassanlegget på Nyhamna i Aukra. Dei som stod nærast brannen vart undersøkt for røykskadar.

Nyhamna bygges ut

Ormen Lange er tømt for gass på grunn av vedlikehaldsarbeid. I dag starta det å brenne der.

Foto: Gunnar Sandvik/NRK

Artikkelen er mer enn to år gammel.

Brannalarmen gjekk på gassanlegget på Nyhamna like før klokka 13.

– Det var røykutvikling i samband med sveising på eit rør. Heldigvis vart brannen sløkt ganske umiddelbart, seier Kitty Eide. Ho er informasjonssjef i Shell. Fire arbeidarar som oppheldt seg i nærleiken av brannen vart sjekka av helsepersonell, men hadde ikkje røykskader.

Tomt for gass

Anlegget er for tida tomt for gass fordi det byggast ut til å ta i mot gass frå fleire felt enn Ormen Lange. Det var ca. 650 arbeidarar inne på anlegget då det starta og brenne og dei vart evakuerte.

– Korleis hadde situasjonen vore dersom anlegget hadde vore fullt av gass?

– Det vil vere spekulasjonar, så det vil eg ikkje gå inn på, seier Eide. Anlegget er gassfritt nettopp for å utføre diverse arbeid på anlegget, som ikkje kan gjerast når det er i normal drift.

Små skader

Eide seier at dei tilsette er godt drilla på kva som skal gjerast dersom noko oppstår og at prosedyrane fungerte som dei skulle.

Ifylgje politiet skal det vere mindre materielle skader.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.