NRK Meny
Normal

Brann på Hustadmarmor sløkt

Alle naudetatar rykte tysdag kveld ut etter melding om brann ved Hustadmarmor i Elnesvågen i Fræna. Taktekking kan vere brannårsaka.

Branntilløp på Hustadmarmor

Brannmannskap fekk raskt sløkt brannen eit rom heilt opp under taket i fabrikken til Hustadmarmor.

Foto: Gunnar Sandvik/NRK

Politiet fekk melding om brannen klokka 17.50 og klokka 19.10 var brannen sløkt.

– Det var snakk om røykutvikling frå ein el-installasjon, fortalde brannmester Sindre Furnes ved 110-sentralen til NRK klokka 18.15.

Brannmannskap frå både Bud og Elnesvågen jobba med å sløkke brannen og det var også rekvirert stigebil frå Molde brannvesen for å nå opp brannstaden i eit el-rom like under taket.

Ifølgje operasjonsleiar i Nordmøre og Romsdal politidistrikt Jan Helge Kjøl kom ingen personar til skade i brannen.

Laster Twitter-innhold
Branntilløp ved Hustadmarmor

Brannvesenet måtte bruke stigebil for å nå opp til rommet der det var branntilløp ved Hustadmarmor.

Foto: Gunnar Sandvik/NRK

Taktekking brannårsak

I følgje RBnett kan taktekking vere brannårsaka. Dagleg leiar i Hustadmarmor, Espen Lillebrygfjeld, seier det var taktekking som forårsaka røykutviklinga.

- Det blei brann og røykutvikling på taket under arbeid, og noko av røyken må ha siva inn ventilane og utløyst alarmen i el-rommet, seier Lillebrygfjeld til RBnett.