Brannvesenet fekk melding om brannen klokka 21.33 og rykte ut med bilar både frå Vartdal og Ørsta.
– Det er full fyr i huset. Vi har starta utvendig sløkking, sa operatør ved 110-sentralen, Nils Bjerknes til NRK like før klokka 22.
Politiet seier at det ikkje var personar i huset då brannen starta.
Også 110-sentralen stadfestar at det ikkje er folk i huset.
Er det fare for spreiing av brannen?
– Det skal det ikkje vere, etter dei opplysningane eg har, seier Bjerknes.
Det er ein del røyk frå staden, opplyser politiet klokka 22.20. Det bur ikkje folk i det eldre huset til vanleg, men slik politiet forstår skulle to personar overnatte der i natt. Dei to var ikkje inne då brannen starta.
Brannvesenet har problem med tilgangen til vatn, som skaper problem for sløkkearbeidet.
– Vi sender tankbil frå Volda. Det er problem med vasstilførselen, seier Bjerknes.
Det er for tidleg å seie noko om brannårsaka.