Verkstad på Eide stod i full fyr – brannen er no sløkt

– Det er full fyr i bygget og det har brent gjennom taket i snikkarverkstaden, opplyste vaktleiar i 110-sentralen Nils Bjerknes i 20.30-tida.

Det var personar i snikkarverkstaden då det byrja å brenne på Eide i Hustadvika. Alle har kome seg ut i god behald.

Blei evakuert

Naboar blei bedne om å halde seg inne, og å lukke vindauge og ventilar.

Politiet seier at dei evakuerte dei næraste naboane, men dei får no kome heim.

Brannvesenet var i høgberedskap og opplyste i 20.30-tida at ressursar frå Molde, Eide og Elnesvågen blei sendt ut. 21.19 bekrefta dei at brannen har blitt sløkt.

Opplevde brannen frå vindauget

Turid Rødal var på besøk på sjukeheimen då ho såg tjukk, svart røyk stige opp. Ho høyrde også nokre smell.

– Vi kjende røyklukt då vindauge var ope, men no er vi bedne om å late att, seier Rødal.