Brannen ved gjenvinningsanlegget i Sunndal er enno ikkje sløkt, det seier Helge Myrvoll-Lunde operatør ved 110-sentralen. – Røyken blir for kraftig om vi prøvar å sløkkje, så vi må berre vente på at den dør ut av seg sjølv, seier han.
Brannvesenet har kontroll på brannen på gjenvinningsanlegget til Franzefoss i Sunndal. Brannvesenet og Sivilforsvaret kjem til å bruke natta til kontrollert nedbrenning, opplyser politiet.
Politiet melder at ingen personar så langt har blitt påverka av røyken frå gjenvinningsanlegget til Franzefoss i Sunndal. Brannen skal ha starta i ein haug med treavfall. På grunn av stor røykutvikling ber politiet naboane til anlegget og andre som bur i sentrum om å lukke vindauga sine. – Det er ikkje snakk om å evakuere nokon på dette tidspunktet, seier Borge Amdam, operasjonsleiar i politiet.
