NRK Meny
Normal

Brann i fjøs i Ålvundfjord

Naboar oppdaga at fjøsen stod i full fyr. Då brannvesenet kom til staden var bygninga brent ned.

Laster kart, vennligst vent...

Ein fjøs vart totalskadd i brann i Ålvundfjord i Sunndal i natt.

Det var i 04-tida i natt at brannen i Ålvundfjord i Sunndal vart oppdaga av naboar. Det var ikkje dyr i fjøsen og dei som bur på garden var ikkje heime. Også ei gravemaskin som stod i nærleiken tok fyr.

– Det er ikkje fare for at brannen skal spreie seg, seier Leif Bergem-Ohr, som er operasjonsleiar ved Nordmøre og Romsdal politidistrikt.

Driftsbygninga er nedbrent og brannvesenet driv no ettersløkking. Det er uvisst kva som er årsaka til brannen. Politiet vil etterforske saka.