Brannvesenet fekk melding om brannen klokka 21.58 og om lag ein halvtime seinare var brannen sløkt.
– Røykdykkarar frå Vestnes brannvesen tok seg inn i kjellaren og fekk sløkt brannen, fortel operatør ved 110-sentralen, Sindre Furnes, til NRK klokka 22.30.
Brannvesenet fekk raskt kontroll over brannen i kjellaren.
Det var sju personar i bustaden som alle blei evakuerte. Det var tre vaksne og fire born ifølgje politiet. Ingen personar blei innlagt på sjukehus.
– Huset har røykskadar, men det gjekk heldigvis bra med dei som var inne i huset, seier Furnes.
Årsaka til brannen er ukjend.