Brann i Rauma – ein person funnen død

Ein person er funnen død etter ein husbrann i Rauma i Møre og Romsdal.

Brann i Eidsbygda i Rauma.

KRAFTIG BRANN: Huset var overtent då brannvesenet kom til staden.

Foto: OTTAR RYDJORD

Brannvesenet har funne ein død person etter ein husbrann i Eidsbygda i Rauma.

Politiet opplyser at det truleg er snakk om ein person busett i huset, som dei har leita etter i og rundt brannstaden. Pårørande er varsla.

Brannen var svært kraftig og huset har delvis kollapsa. Det gjekk fleire timar før brannvesenet kunne leite inne i huset.

Alle tilgjengelege brannmannskap frå brannstasjonane på Åndalsnes og Åfarnes rykte ut til staden. I tillegg kom det forsterkingar frå nabokommunen Molde.

Politiet skreiv tidlegare i ettermiddag på Twitter at dei ikkje hadde gjort greie for ein bebuar. Dei to andre som bur i huset er uskadde og var ikkje heime då brannen starta.

Laster Twitter-innhold

Klokka 18.30 kunne brannvesenet opplyse at dei har kontroll på brannen. Det skal ikkje vere fare for at brannen skal spreie seg. Røykdykkar har vore inne i huset, men måtte trekkje seg ut då delar av bygget kollapsa. Brannvesenet held fram med utvendig sløkking.

Klokka 19.35 har brannvesenet fått sløkt brannen og er i gang med ettersløkking. Store delar av huset er kollapsa og det er framleis ikkje mogleg å gå inn, opplyser John-Rune Lillebø hos 110-sentralen.

Full overtenning

110-sentralen i Møre og Romsdal fekk klokka 16.20 melding om brann i ein einebustad i Eidsbygda i Rauma.

Då dei kom til staden rundt klokka 16.33 var huset allereie overtent.

– Det brann så kraftig då brannvesenet kom til staden at det var umogleg å berge huset, seier John-Rune Lillebø hos 110-sentralen i Møre og Romsdal.

BRANN I EIDSBYGDA I RAUMA.

OVERTENT: Det brann kraftig i huset.

Foto: OTTAR RYDJORD