Lokale matprodusentar blir oppmoda om å søke tettare kontakt og samarbeid med reiselivsbedrifter i sine nærområde. Leiar i Norges Bondelag, Nils T Bjørke, meiner at eit betre samarbeid kan styrke begge partar.
– Vi skal prøve å få lokalmatprodusentane og andre bønder, som har lyst å tilby tenester til reiselivet, til å samarbeide. På den måten kan bønder lære kva turistane treng slik at dei får ei god oppleving når dei ferierer, seier Bjørke.
Han trur og at reiselivet kan lære litt om landbruket, og på den måten kan dei fortelje om dette til dei reisande i Noreg.
Lære om norsk mat
Lokale matprodusentar blir difor oppmoda til å søke tettare samarbeid med lokale overnattings- og serveringsbedrifter. Bjørke seier at tilgang på lokal mat og drikke er noko av det viktigaste når turistane vel feriemål. Innovasjon Norge har funne ut at dette gjeld både nordmenn og utanlandske turistar.
– Viss landbruket og reiselivsnæringa samarbeider vil det føre til at turistane får ei betre oppleving. Spesielt viss dei får god mat, seier leiaren i bondelaget.
- Les også:
- Les også:
- Les også:
– Eg trur at vi begge er avhengige av kvarandre. Viss vi kan gjere kvarandre gode så har vi ein vinn-vinn-situasjon. Det viktigaste er å få turistane til å kome til Noreg – og at dei eit spennande lokalprodukt, seier Bjørke.