Beredskapsleiaren for kraftforsyninga oppsummerer no erfaringane etter orkanen Dagmar. Konklusjonen er at fornyinga av kraftnettet er på etterskot. Usemje med lange diskusjonar og også den byråkratiske behandlinga av utbyggingane blir trekte fram som årsak til at prosessane tek så lang tid.
Svein Rødal er leiar for straumberedskapen i Møre og Romsdal.
Foto: Picasa 2.7– Det har for eksempel vore planlagt ei ny kraftline mellom Søre Sunnmøre og Nordre Sunnmøre. Lina har vore planlagd i 10 år, utan at lina er ferdig enno. Dette påførte Tussa Kraft kostnader på 25 millionar kroner under Dagmar-orkanen. Kostnadene kunne ha vore unngått om prosessen hadde gått raskare, seier beredskapsleiar for kraftforsyninga i Møre og Romsdal, Svein Rødal.
- Les også:
- Les også:
– Sommel svekkjer tryggleiken
Lina som Svein Rødal viser til blei for fleire år sidan presentert med fleire utbyggingsalternativ, både i Sula og gjennom Hareids-dalen. Planane møtte både folkeleg engasjement, var gjennom ei demokratisk behandling i kommunestyre og møtte protestar frå grunneigarar.
Resultatet blei at lina måtte leggjast om, og stolpar med kreosot måtte skiftast ut.
– Sommel svekkjer forsyningstryggleiken. Det tek veldig lang tid frå planlegginga startar til linene står ferdige, seier Rødal.
– Korleis opplever du dette?
– Det er frustrerande. Løysinga som blir vedteken til slutt er ofte den løysinga som blir presentert tidleg i prosessen. Deretter får aktørar gå runde etter runde med styresmaktene. Og tida går, seier Rødal.
- Les også:
- Les også:
Sjå godt etter på dette biletet. Grønkledde heimevernsoldatar er kalla ut til linjerydding. Dette var eit svært krevjande arbeid som gjekk føre seg fleire dagar.
Foto: Remi Sagen / NRK– Kunne ha unngått straumstans
Ei anna kraftline i området er om lag like kontroversiell som kraftlineplanane i Hardanger. Denne lina skal gå frå Ørskog på Sunnmøre til Fardal i Sogn. På vegen skal kraftlina krysse både Storfjorden og Hjørundfjorden. Lina kjem dermed til å krysse innseglinga til verdsarvområdet ved Geiranger.
– Sunnmøre hadde unngått den lange straumstansen dersom denne kraftlina hadde vore på plass. Lina skulle ha stått ferdig i 2011, men no vert det først i 2015 eller 2016, seier Rødal.
- Les også:
- Les også:
– Ikkje lett å skjere gjennom
Fylkesordførar i Møre og Romsdal, Jon Aasen, seier at dette er eit problem med fleire sider. prosessane som dreg i langdrag er ein følgje av at Noreg er ein rettsstat med høve til å anke vedtak, og eit demokrati der mange har høve til å uttale seg.
Jon Aasen er fylkesordførar i Møre og Romsdal.
Foto: Hans Thomas Eikrem / NRK– Å leve i ein rettsstat kan av og til arte seg som eit problem når det gjeld å gå raskt fram. Det er ikkje så lett å skjere gjennom, seier Aasen.
– Er det sommel?
– Der er nok ei viss vegring, ja. Dei kunne nok ha skore gjennom tidlegare og teke den politiske belastninga med å gje eit klart svar på eit tidlegare tidspunkt, seier Aasen.
– Er det eit tankekors at følgjene av Dagmar ville ha vore mindre om kraftlinene hadde blitt realisert?
– Naturlegvis. Dei som har sagt at det er naudsynt å byggje denne lina hadde rett. Så bør vi som har meint mykje om dette sjå litt nedover og vere litt skamfulle, seier Aasen.
