Reinheimen nasjonalpark er Noregs tredje største. Den strekker seg over to fylke, Oppland og Møre og Romsdal. Seks kommunar har nasjonalparken innanfor sine grenser. Det er fire i Oppland, i tillegg til Norddal og Rauma i Møre og Romsdal.
Det har tatt 35 år sidan ideen om ein nasjonalpark tok form og fram til opninga i dag. Villreinstammen i området har no fått eit vern kring sine kjerneområder.
Kulturarv og miljø
I Reinheimen finn du kulturminner frå jegarar som er snart 10.000 år gamle. Innover fjellet er det mange fangstplassar som vitnar om stor aktivitet langt tilbake i tid. Reinsdyra i området, villreinen, blei sett ut i 1958, frå ein stamme frå Jotunheimen. Men reinsdyr har det vore i området lenge før dette.
Priviligert som har slik natur
Miljøvernminister Helen Bjørnøy (SV) sa i sin tale at vi kan føle oss priviligert som har ein slik natur som ein kan finne i Reinheimen. Her er det høgfjell, brear, elvar og eit rikt dyreliv.
- Det viktige er at vi no har fått eit permanent vern av villreinen, sa Bjørnøy.
Det er også viktig at området er bevart for framtida når det gjeld inngrep i naturen. Nye, store kraftutbyggingar i området er uaktuelt. Reinheimen nasjonalpark vil også bety noko for bygdene i området, både i Oppland og Møre og Romsdal. Turisme og lokal forvalting av området vil vere vekstnæringar i tida som kjem.
(NRK).