Karoline Bjerkeli Grøvdal kunne tysdag kome heim til Rauma både med ein ny medalje og ein etterlengta OL-billett i lomma. Men trass i imponerande prestasjon under EM førre veke, ligg 26-åringen frå Isfjorden ikkje på latsida.
– No som eg er ferdig med EM blir det fullt fokus på OL. Eg har hatt ein fantastisk sesong til no og planen er å fortsette på dette sporet. Forhåpentlegvis er eg i mitt livs form når eg står på startstreken i Rio om ein månads tid, seier ho.
- Les også:
- Les også:
Satsar mot OL
Og hennar livs beste form er kanskje ikkje langt unna med den innsatsen ho viste under EM i Amsterdam. Bjerkeli Grøvdal er likevel forsiktig med å spå medaljesjansane under OL i Rio.
– Det er eit brutalt nivå der nede. Det blir sjølvsagt hardt, men eg meiner at eg har ein lik medaljesjanse med alle andre som står på startstreken.
– Det vil vere viktig å vere på rett plass til rett tid, men eg må berre fokusere på det eg skal gjere under løpet og så får det gå som det går, seier ho.
Dermed blir det ikkje mykje tid til sommarferie og avslapping for 26-åringen frå Rauma.
– Nei, eg skulle gjerne ha vore heime lengre, men reiser tilbake til Oslo allereie i morgon. Det er fullt konkurranseprogram heile denne veka, og så er det nye konkurransar i ei tovekers tid før avreise til Rio 1. august, seier Bjerkeli Grøvdal.
- Les også: