Bioforsk på Tingvoll er berga

På grunn av økonomiske utfordringar foreslo styret i Bioforsk i mars i år å legge ned forskingsmiljøet ved Tingvoll Gard. .

Reaksjonane var sterke då innstillinga om flytting kom, men no har landbruksminister Sylvi Listhaug bestemt at forskarmiljøet blir verande på Tingvoll, og at talet på årsverk blir oppretthalde.

No har det vore harde forhandlingar, og resultatet er at Bioforsk får halde fram.

– Der er framleis detaljar som må diskuterast. Men rammene, med talet på tilsette og lokal styring, ligg fast., seier stortingsrepresentant Pål Farstad (V) til NRK.

Han seier til NRK at rammene som kom frå styret i Bioforsk ikkje var gode nok og at det difor måtte handlast frå politisk hald.

• Les også: legge ned forskingsmiljøet ved Tingvoll Gard.
• Les også: Reaksjonane var sterke
• Les også: katastrofalt dersom Bioforsk på Tingvoll vart nedlagd

Dei tilsette får halde fram

Bioforsk er eit forskingsinstitutt med spisskompetanse på eit høgt internasjonalt nivå innan landbruk, matproduksjon, plantehelse, miljø og ressursforvaltning.

Sjølve anlegget på Tingvoll jobbar med økologisk matproduksjon, og har 36 personar med høgare utdanning i stallen. 16 av desse har doktorgrad, medan éin er professor.

• Les også: Slik kan flåtten utryddes i Norge
• Les også: Kvar har du hjort av deg?

Styreleiar i Norsøk, Gunnar Waagen, seier det framleis står att mykje arbeid før ein veit om heile verksemda i Tingvoll er berga.

– Nei, vi veit ikkje alt enno. Men ein del av verksemda er i alle fall berga. Det blir vanskelege og knallharde forhandlingar. Og vi er glade for at det står tydeleg at aktiviteten skal oppretthaldast, seier Waagen.

– Ein går litt tilbake til der det starta?

– Det kan det bli. Det får tida vise. Vi skal ikkje forskottere noko enno. Men det er ein glad dag når vi no ser at det er tverrpolitisk semje og engasjement for å ta vare på økologisk forsking. Og så tek vi det vidare derifrå.