Bil hamna på taket på Svorta

Politiet fekk melding om ulukka på Svorta i 16-tida. Bilen hamna utfor vegen og landa på taket.

– Bilen har køyrt inn i autovernet og gått over, seier operasjonsleiar Per-Martin Bjartan. Bilen landa på ein sykkelsti nedanfor hovedvegen.

Det er berre éin person involvert i ulukka og vedkomande vert tatt med i ambulansen for legesjekk, melder politiet. Trafikken går som normalt.

– Føraren var medviten då han vart sendt til sjukehus, seier Bjartan.

Helse Møre og Romsdal melder at føraren er lettare skadd. Politiet opprettar sak.