Siste: Klokka 21.15 melder Fjord1 at ferjekaia er open igjen etter uhellet . Folk på staden fortel at bilen først blei liggande på ei grunne før den forsvann i sjøen, men at den seinare forsvann ned i sjøen og ikkje lenger er synleg på overflata. Uhellet skjedde like før klokka 19.30 torsdag kveld.
Operasjonsleiar Frode Gjøsund seier det blei gjort forsøk på å stanse bilen.
– Bilen var blitt parkert like før, og sjåføren hadde gått inn i kiosken, seier han.
– Like etter er det ein annan person som ser at bilen er i ferd med å trille ut i sjøen. Han prøvde å stoppe den, men bilen var låst og han kom seg ikkje inn.
Han seier dei rask fekk avklart at det ikkje var folk i bilen.
– Nei, heldigvis var det ingen inne i bilen, elles kunne det gått verre.
Ferjekaia stengt
Gjøsund seier bilen først blei liggande delvis flyt i vatnet og delvis ligg på ei grunne der ferja skal legge til.
– Men det er ikkje skadar på sjølve ferjekaia anna enn på bommen, seier Gjøsund.