NRK Meny

Ber om tips etter knivstikking i Ålesund

Natt til søndag vart ein mann funnen knivstukken utanfor ei leilegheit i Ålesund sentrum. Ein person er no sikta i saka. Politiet ynskjer tips frå vitne.

Det var i 03-tida natt til søndag at politiet i Ålesund fekk melding om den skadde mannen som låg på gata i Borgundvegen i Ålesund. Politiet rykte ut med skotsikre vestar. I åttetida vart ein mann pågripen. Den arresterte og offeret kjenner kvarandre og dei er også kjenningar av politiet.

– Politiet har jobba heile søndagen med å avhøyre fleire personar for å danne seg eit bilete av kva som skjedde, men av omsyn til etterforskinga ynskjer vi ikkje å gå meir i detalj på kva vi har funne ut, seier politiadvokat Cathrin Remøy.

Ein er sikta

Ho seier at ein person er sikta i saka og ho vil ikkje spekulerer om det kan kome fleire siktingar.

Politiet oppmodar vitne som kunne ha sett eller høyrt noko, om å melde frå.

Det skal ha vore ein samankomst i leilegheita like ved staden der mannen vart funnen. Søndag formiddag opplyste politiet at situasjonen til den skadde mannen var stabil.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.