Sidan i fjor sommar har prisen på kunstgjødsel vore eit stridstema.
Den internasjonale marknaden hadde større behov for kunstgjødsel og dermed auka prisane.
- Bør verte billegare
Neste veke startar Felleskjøpet Agri nye prisforhandlingar med gjødselgiganten Yara.
Produktsjef Engebret Dæhlin trur prisane vil gå ned.
- Pilane peikar jo andre vegen no, og prisen i det internasjonale marknaden har sunke. Dermed reknar eg med ein også må setje den ned i Noreg, seier Dæhlin.
Bøndene brukar meir møkk
Sidan gjødselsesongen starta 1. juli har salet gått vesentleg ned.
- Eg anslår det til å vere rundt 25 prosent. Ein hovudårsak er at bøndene har vorte flinkare til å nytte gjødsel frå husdyra, seier Dæhlin.
Fryktar fleire sluttar
Bondelagsleiar Arne Magnus Aasen fryktar auka gjødselsprisar kan få fleire bønder til å finne seg andre jobbar.
- Frykta mi er at bonden ser at inntekter og utgifter ikkje går overeins. Den store utfordringa i verda er jo å produsere nok mat, seier Aasen.
