– Nytt av i år er at krava også gjeld dyr i lausdrift. Dei går laust heile året, men i år skal dei også ut på beite i åtte veker. Då veit vi at enkelte lausdrifter har utfordringar med bygningsmessige ting og areal rundt fjøsa.
Det seier Astrid Vea Mork, seniorinspektør i Mattilsynet.
Alle bønder som har storfe skal følgje dei gjevne retningslinjene, opplyser ho.
– Alle storfe skal på beite i åtte veker kvar sommar. Det er fordi dyra har godt av det, trivst og får bevege seg fritt – på beite, fortel Vea Mork.
Dermed skal kyrne no få mosjonere fritt om sommaren – ikkje bli stilleståande.