– Alle menn blir spurde om å avlegge ein frivillig DNA-prøve, seier politiinspektør i Sunnmøre politidistrikt, Elin Anja Drønnen til Sunnmørsposten.
Går breitt ut
Innbyggjarane i Sula er rysta over at ei kvinne blei forsøkt valdteken i omsorgsbustaden sin natt til søndag. Valdtektsforsøket har truleg skjedd i halv femtida søndag morgon.
Valdtektsforsøket skjedde berre to månader etter at ei eldre kvinne vart valdteken heime hos seg sjølv i Sula.
Måndag kveld går politiet dør-til-dør i området for å kartleggje alle bevegelsar frå folk og køyretøy som var i området då kvinna blei forsøkt valdteken. Politiet ber no spesielt om videoopptak frå privatpersonar.
– Rutine
Politiet seier til NRK at det er rutine å samle inn DNA-prøver når gjerningsmannen er ukjend.
– Målet med DNA-test er mellom anna å utelukke flest mogleg personar frå saka, seier politiinspektør Elin Anja Drønnen.
Naboar er rysta over valdtektsforsøket og er urolege etter det som har hendt. Politiet ber no folk i området om å låse dører og lukke vindauge når dei legg seg for natta.