NRK Meny

Båteigar funnen død utanfor Smøla

Like før klokka 18.00 onsdag kveld fann politiet ein mann i sjøen ved Edøya utanfor Smøla. Ifølgje politiet har mannen drukna.

Laster kart, vennligst vent...

Ein mann blei funnen i sjøen ved Edøya, like utanfor Smøla onsdag kveld.

Artikkelen er mer enn ett år gammel.

Klokka 17.44 rykte politiet ut med ambulansebåt og politi til Edøya etter meldingar om ein mann i sjøen.

Mannen vart raskt henta opp av ambulansebåtpersonellet, men livet stod ikkje til å redde. Mannen vart stadfest død på staden.

Har truleg ligge lenge i sjøen

Leif Einar Bergem-Ohr, operasjonsleiar ved Nordmøre og Romsdal politidistrikt seier til NRK.no at mannen truleg har ligge i sjøen i nokre timar.

– Etterforskinga tyder på at mannen kan ha falle i sjøen då han prøvde å få tang ut av propellen på båten, seier han.

Det var familiemedlemmer av mannen som observerte at han låg i vatnet.

Ulukka skal ha skjedd ved ei brygge i nærleiken av der mannen budde.

Ifølgje Bergem-Ohr er det ikkje mistanke om noko mistenkeleg.

– Det er så langt ingenting som tydar på at det er noko anna enn ei ulukke, seier operasjonsleiaren til NRK.no.

Mannen er identifisert, og pårørande er varsla.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.