Ein 50 meter lang mudringsbåt frå Færøyane gikk laurdag på grunn på Nesjestranda i Molde.
– Mannskapet følgde ikkje med slik dei skulle, dermed gjekk båten på grunn, opplyser operasjonsleiar i Nordmøre og Romsdal politidistrikt, Sigvart Sivertsen, til NRK.
Politiet rykte ut saman med redningsskøyta då dei fekk telefon frå ein nabo som såg ein stor båt i fjøra.
Ventar på flo sjø
Ifølgje politiet er det fire personar om bord i båten, og alle er uskadde.
– Politiet kunne gå tørrskodd frå land og om bord i båten, fortel operasjonsleiar Sigvart Sivertsen.
Lastebåten er 50 meter lang og driv med mudring. Båten kom frå sør og skulle inn mot Vistdalen.
– No ventar dei på flo sjø for å prøve å kome seg av grunn på eiga hand, opplyser Sivertsen.
Dykkarar skal kontrollere båten
Då skal dei prøve å kome seg til Vestnes for å få båten kontrollert av dykkarar for å vere heilt sikre på at båten ikkje tek inn vatn.
– Vi har sikra oss nødvendige opplysningar og vi har samarbeidd med Sjøfartsdirektoratet, seier Sivertsen.
Politiet har ikkje mistanke om promille.
