UDI og Hero har inngått avtale om mottak av 35 einslege mindreårige asylsøkarar i Halsa frå nyttår.
Ordførar Ola Rognskog seier det er naturleg at folk er usikre og har spørsmål.
– Det er ikkje unaturleg at ei så tor endring i driftskonseptet ved hallen gir grunnlag for spørsmål, så det har eg full forståing for, seier han.
- Les også:
Folkemøte måndag
I brev til ordføraren vil foreldra mellom anna vite meir om risikoen ved å samlokalisere barnehagen og mottaket i same bygg, og om kommunen har analysert risikoen i samband med plasseringa.
Dei vil også vite om kommunen er rusta til å vareta den psykiske helsa til asylsøkarane, og kva som skal skje dersom samlokaliseringa viser seg å vere uheldig for barnehagen.
Ordføraren trur det planlagde folkemøtet måndag kveld, der også UDI og Hero skal vere til stades, vil avklare mykje.
– Vi har definert oppgåvene våre som vertskommune der kommunen ikkje går inn driv mottaka, men yter tenester fastlagt i lovverket. Det gjeld, helse, skule, barnevern og alt som skal til for å få det til å flyte, seier Rognskog.
– Kommunen er i alle fall innstilt på å ruste seg med tilstrekkelege helse- og undervisningstilbod mm, held han fram.
- Les også:
- Les også: