– Vi har bestemt å avslutte søket. Vi meiner at det aktuelle området no er så god søkt gjennom som det lar seg gjere, seier John Bratland i politiet tysdags kveld.
OMFATTANDE SØK: Det har blitt leita over alt i det aktuelle området. Både løer og kratt har blitt søkt gjennom.
Foto: CARL-HENRIK MOLTUMYRRosar dei frivillige
Røde Kors, redningshundar, heimevernet, dykkarar frå brannvesenet, luftambulansen sitt helikopter og eit stor tal frivillige frå nærmiljøet. Lista over dei som har søkt er lang.
– Vi har leita med full styrke og vel så det. Folk har møtt opp, trassa vêr og vind, og gjort ein kjempeinnsats.
– Vi er utruleg glade for at vi har fått så god hjelp. Vi har gjort ein så god jobb som vi kan gjere, og kunne ikkje gjort det så godt aleine, seier Bratland.
– Skal jobbe vidare, og vil framleis ha tips
Det har blitt søkt i eit avgrensa område. Politiet fekk tips om at den sakna blei observert der, natt til 23. desember rundt klokka 3.30.
– Sjølv om søket er avslutta vil det bli jobba vidare med etterforsking og etterretning, understrekar Bratland.
Politiet seier at dei framleis er interessert i tips som kan hjelpe etterforskinga vidare.
– Vi har fått mange gode tips fram til no, og det er viktig å presisere at vi framleis er interessert i eventuelle tips, opplysningar og observasjonar.
TETT TERRENG: Store delar av søket har vore i tett terreng. Politiet gir ros til alle som har hjelpt dei, og seier søker er gjennomført så godt som det lar seg gjere.
Foto: Carl-Henrik Moltumyr
