Avisfolket feira med trønderbart

Tysdag ettermiddag vedtok styret i Edda Media å selje Sunnmørsposten, Romsdals Budstikke og Edda Trykk i Ålesund til Polaris Media.

Denne videoen er dessverre ikke tilgjengelig. Kontakt oss dersom du har spørsmål.

LES MEIR: Solgt til Polaris Media

Fekk beskjeden på morgonmøte

På grunn av strenge børsreglar kunne ingen kommentere salet før børsen opna onsdag morgon.

Dei tilsette i avisene var kalte inn til møte om morgonen, der dei skulle få stadfesta det dei allereie rekna med; dei var kjøpte opp av Polaris media, som har base i Trondheim.

Fleire av dei tilsette møtte med nyinnkjøpte lausbartar.

Letta og glade

- Me er letta no, seier klubbleiar Johan Behrentz i Sunnmørsposten.

Også redaktørane var glade for handelen:

SUNNMØRSPOSTEN: - Veldig gledeleg

ROMSDALS BUDSTIKKE: - Endeleg avklart

Rykta har gått lenge

Edda media har lagt avisa ut for sal to gonger, og rykta har gått lenge om at Polaris media var den mest sannsynlege kjøparen.

- Det er ikkje bra for aviser å leve i ein så usikker situasjon såpass lenge, seier medieforskar Sigurd Høst ved Høgskulen i Volda.

Han meiner salet til Polaris media ser ute til å vere ei god løysing for avisene, og han er ikkje redd eigarselskapet vert for stort.

LES MEIR: - Polaris blir ingen tung aktør

Salet inkluderer avisene Romsdals Budstikke, Sunnmørsposten, Nye Åndalsnes Avis, Sunnmøringen, Vikebladet Vestposten, Møre-Nytt og Driva.

På redaksjonsmøtet til Sunnmørsposten skal der også ha vore høyrd strofar frå "Æ e trønder, æ".